saahil mein, lehraata anchaal ho tum
chilchilaati dhoop mein, peedon ki chaav ho tum
bhayankar bavandar mein, majhdaar ka sahara ho tum
Sookhe mein,pyaase ki aas ho tum
khoye hue raahi ki raah ho tum
dhalti shaam mein,shitij ki rekha ho tum
paani mein rehti machli ki shwaas ho tum
Goonge vyakti ke alfaaz ho tum
andhe ke haathoon ka ehsaas ho tum
bichran mein milne ki pyaas ho tum
meri prathnaao ko raas ho tum
Jaadon mein tapan ki garmahath ho tum
nanhi chidiya ke udane ka aatmavishwas ho tum
barsaat mein baraste paani ka ullaas ho tum
Aur meri zindagi mein pyaar ka aagaaz ho tum...!!
No comments:
Post a Comment